Əcnəbilərə  mənzil satışında rekord artım qeydə alınıb

Türkiyə Dövlət Statistika Komitəsi bu barədə məlumat yayıb.  Komitənin  hesabatına görə Türkiyədə noyabr ayında cəmi 178 min 814 ev satılıb. Bu dövrdə əcnəbilər 7 min 363 ev satın alıb. Noyabr ayında illik 48,4% artım qeydə alınan Əcnəbilərə ev satışının ümumi ev satışlarında payı 4,1% olub.  Noyabr ayında xaricilərin  ən çox ev satın aldıqları  şəhərlər arasında İstanbul 2 min 922  mənzil sayı ilə ilk sırada  iştirak edib. Bu vilayəti 1917 satışla Antalya, 428 satışla Ankara izləyib.

Yanvar-noyabr dövründə əcnəbilərə ev satışı əvvəlki ilin müvafiq dövrünə müqayisədə 39,4% artaraq 50 min 735-ə çatıb.