Olimpiya ikincisi Amos cəzalandırılıb
Olimpiya ikincisi Amos 3 il müddətinə beynəlxalq idman tədbirlərində iştira edə bilməyəcək.
1982458
2012-ci il London Olimpiadasında gümüş medal qazanan Botsvanalı Nijel Amosun dopinq qəbul etdiyi səbəb göstərilərək 3 il müddətinə idman tədbirlərinə iştirakı qadağan edilib.
“Athletic Integrity Unit”-dən (AIU) yayılan məlumata görə dopinq nümunəsində qadağan olunmuş “GW1516” maddəsi aşkar edilən Amos 12 iyul 2022-ci il tarixindən etibarən 3 il idman fəaliyyətlərində iştirak edə bilməyəcək. 29 yaşlı idmançının 4 iyun 2022-ci il tarixinə olan dərəcələri də ləğv edilib. Amos, London 2012 olimpiya oyunlarında 800 metr məsafəyə qaçış finalında 2-ci yeri tutaraq gümüş medal qazanmışdı.
