Portuqaliya İsveçrə qarşılaşması TRT ekranlarında olacaq
Qətərdə təşkil olunan dünya çempionatında bu gün 1/8 final mərhələsinə yekun vurulacaq.
1915124
TRT spor xəbər verir ki, bununla da 1/4 finalın son 2 iştirakçısı bəlli olacaq.
Günün ilk oyununda turnirin favoritlərindən hesab olunan İspaniya millisi Mərakeşlə qarşılaşacaq. Bu matçı argentinalı FİFA referisi Fernando Rapallini idarə edəcək.
1/8 finalın son görüşündə isə Portuqaliya və İsveçrə seçmələri münasibətlərinə aydınlıq gətirəcəklər. Türkiyə vaxtı ilə saat 22:00-də başlayacaq qarşılaşmanı meksikalı Sesar Arturo Ramos idarə edəcək. Maçt TRT 1, TRT 4K, TRT WATCH və trtspor.com.tr-də canlı yayımlanacaq.
Xatırladaq ki, daha əvvəl Niderland, Argentina, Fransa, İngiltərə, Xorvatiya və Braziliya yığmaları 1/4 finala vəsiqə qazanıblar.
