Xorvat azarkeşlǝr Türkiyǝnin yığma komandasına dǝstǝk olacaq

Xorvat azarkeşlǝr Fransada davam edǝn futbol üzrǝ Avropa çempionatında Türkiyǝ-İspaniya matçında Türkiyǝyǝ dǝstǝk olacağına dair qǝrar alıb.

Türkiyǝ Futbol Federasiyası bazar günü oynanan Türkiyǝ-Xorvatiya qarşılaşması zamanı atasının vǝfat etdiyini öyrǝnǝn xorvat futbolçu Darijo Srnaya başsağlığı mesajı göndǝrmiş, bu jest Xorvatiyada böyük ǝks-sǝda doğurmuşdu.

Xorvat azarkeşlǝr sosial şǝbǝkǝ vasitǝsilǝ şǝrhlǝr yazaraq, Türkiyǝ-İspaniya matçında Türkiyǝnin yığma komandasına dǝstǝk olacaqlarını bildiriblǝr.

Xatırladaq ki, Türkiyǝ milli komandası üçün böyük ǝhǝmiyyǝtǝ malik son çempion İspaniya ilǝ qarşılaşma iyunun 17-dǝ yerli vaxtla 22.00-da baş tutacaq.