İngiltərə Rusiyaya qarşı tətbiq edilən sanksiyalarla bağlı bəyanat yaydı

İngiltərə Rusiyaya qarşı tətbiq edilən sanksiyaların Ukraynaya dəyən bütün zərər ödənilənə qədər davam edəcəyini açıqlayıb.
İngiltərə Xarici İşlər Nazirliyindən verilən bəyanatda çərşənbə günü Londonda Ukraynanın bərpası ilə bağlı keçiriləcək konfransdan əvvəl Rusiyaya qarşı tətbiq edilən sanksiyalarla bağlı yeni qərarların qəbul edildiyi bildirilib.
Bu çərçivədə sanksiyalara məruz qalan şəxslər və qurumların aktivlərinin açıqlandığı bildirilib.
Bəyanatda bildirilib ki, Rusiya-Ukrayna müharibəsindən sonra tətbiq olunan sanksiyalar Ukraynaya dəyən bütün zərər ödənilənə qədər davam edəcək.