Qızıl mədəninə silahlı hücum, 9 nəfər ölüb
Mərkəzi Afrika Respublikasının (MAR) Bambari şəhərində qızıl mədəninə silahlı hücum təşkil edilib.
Mərkəzi Afrika Respublikasının (MAR) Bambari şəhərində qızıl mədəninə silahlı hücum təşkil edilib.
Milli medianın məlumatına görə, Bambari şəhərinin Çinqbolo kəndində Çinin “Gold Coast Group” şirkətinə məxsus mədən sahəsinə naməlum silahlı şəxslər tərəfindən hücum təşkil edilib. İnsident nəticəsində 9 Çinli mədənçi həyatını itirib. Silahlılar mədən sahəsindəki maşınları və yaşayış yerlərini qarət ediblər Bildirilib ki, “Gold Coast Group” şirkəti 5 gün əvvəl bölgədə fəaliyyətə başlayıb. Hücum edənlərin tapılması üçün bölgədə əməliyyat başladılıb.
Qeyd edək ki, 3 gün əvvəl də Dəyişiklik üçün Vətənpərvərlər Koalisiyası adlı üsyançı qrupun üzvləri ölkənin Nana-Mambere bölgəsindəki Gbembo kəndinin yaxınlığında yerləşən mədən sahəsinə hücum edərək 3 Çinli mədənçini qaçırıblar.