Hindistanda hərbi helikopter qəzaya uğrayıb, ölənlər var

Hindistanın Arunaçal Pradeş ştatında hərbi helikopterin qəzaya uğraması nəticəsində 5 nəfər həlak olub.
“India Today”in yaydığı xəbərə görə, ştatın Upper Sianq bölgəsində 5 nəfəri aparan helikopter  qəzaya uğrayıb.
Qəzadan sonra bölgəyə göndərilən axtarış-xilasetmə qrupları 2-si pilot olmaqla 5 nəfərin cəsədini aşkar edib.
Qeyd edək ki, oktyabr ayında Hindistanda üç helikopter qəzası baş verib.
Bu bəftənin əvvəlində helikopterin qəzaya uğraması nəticəsində 7 nəfər, oktyabrın 5-də baş verən qəzada isə bir pilot həlak olub, bir nəfər isə yaralanıb.