Somali aclıq təhlükəsi ilə üzləşib
Somali prezidentinin xüsusi nümayəndəsi Abdirahman Abdişakur Varsame bu barədə milumat yayıb.
O: “Ölkə üzrə 6,1 milyon insan ciddi qida problemi yaşayır. Bu təhlükə hər ötən gün daha da artır. Uzun müddət davam edən 330 min uşağın qidalanma problemi ilə üz-üzə gəlməsinə səbəb olub. Bütün maraqlı tərəflər dərhal hərəkətə keçərək dərhal lazımlı tədbirlər görülməlidir”.
Birləşmiş Millətlər Təşkilatının məlumatlarına görə, 2020-ci ilin sonundan bəri somalidə mövsümi yağıntıların kifayət seviyyədə yağmaması qida çatışmazlığına səbəb olub. Nəticədə milyonlarla insan təcili yardıma möhtac qalıb.
Yada salaq ki, 1990-cı ildən bəri ölkə iqlim dəyişikliyi səbəbindən daşqın və quraqlıq kimi 30-dan çox təbii fəlakətlə üzləşib.
Somali hökuməti artan quraqlıq səbəbindən noyabrın 23-də ölkə daxilində “fövqəladə vəziyyət” elan edib.
Ümumdünya Səhiyyə Təşkilatı (ÜST) Somalidəki humanitar böhranla bağlı beynəlxalq ictimaiyyəti təcili yardıma çağırıb.