İsrail qüvvǝlǝri fǝlǝstinlilǝrǝ müdaxilǝ edib

İsrail qüvvǝlǝri İordan çayının qǝrb sahilindǝ qeyri-qanuni yaşayış mǝntǝqǝlǝrinin inşa edilmǝsinǝ qarşı etiraz aksiyası keçirǝn fǝlǝstinlilǝrǝ müdaxilǝ edib. Müdaxilǝ nǝticǝsindǝ 8 fǝlǝstinli yaralanıb, çox sayda adam da gözyaşardıcı qazdan zǝhǝrlǝnib.

Mǝlumata ǝsasǝn, fǝlǝstinlilǝr İordan çayının qǝrb sahilinin Nablus şǝhǝrinin Beyt Decin bölgǝsi başda olmaqla İordan çayının çox sayda bölgǝsindǝ qeyri-qanuni şǝkildǝ inşa edilǝn yaşayış mǝntǝqǝlǝrinǝ qarşı etiraz aksiyası keçirib.

İsrail qüvvǝlǝrinin aksiya iştirakçılarına rezin güllǝ vǝ gözyaşardıcı qazla müdaxilǝ etdiyi bildirilib.

Fǝlǝstinin rǝsmi Vafa xǝbǝr agentliyinin yaydığı xǝbǝrǝ ǝsasǝn, İsrail qüvvǝlǝrinin müdaxilǝsi nǝticǝsindǝ 8 fǝlǝstinli xǝsarǝt alıb, çox sayda adam da gözyaşardıcı qazdan zǝhǝrlǝnib.