Kentukki ştatında tornado nəticəsində həlak olanların sayı 64-ə çatıb

ABŞ-ın Kentukki ştatında tornado nəticəsində 64 nəfər ölüb.

Kentçuyk valisi Andy Beşear cümə günü təsirli olan tornado fəlakətində təsdiqlənmiş həlak olanların sayının 64 olduğunu və xilasetmə qruplarının axtarış işlərinin davam etdiyini açıqlayıb.

Vali Beşear mətbuat konfransında "Son hesablamanı tamamlamaq üçün bir həftə və ya daha çox vaxtımız var" deyib. O bildirib ki, Kentukki ştatında 105 nəfərin taleyi hələ də məlum deyil.

Beşear həyatını itirənlərin yaşlarının 5 aydan 86-ya qədər olduğunu, onlardan 6-nın isə 18 yaşından kiçik olduğunu bildirib.

Meyfild ərazisində tamamilə dağılan şam fabrikində 110 nəfərin çalışdığı, iş yerində axtarış-xilasetmə işlərində can itkisinin gözlənildiyi kimi pis olmadığı qeyd edilib.

ABŞ Milli Okean və Atmosfer Administrasiyasının (NOAA) məlumatına görə, cümə günü Arkanzas, İllinoys, Kentukki, Missuri və Tennessi ştatlarında ən azı 24 tornado baş verib.

Kentçuki valisi daha əvvəl ştatda ölənlərin sayının 100-ü keçə biləcəyini bildirmişdi.