Əlcəzairdə meşə yanğınlarında həyatını itirənlərin sayı 69-a yüksəlib
Əlcəzairin 18 əyalətində meşə yanğınlarında həyatını itirənlərin sayı 69-a yüksəlib.
Əlcəzairin 18 əyalətində meşə yanğınlarında həyatını itirənlərin sayı 69-a yüksəlib.
Paytaxtın təxminən 100 kilometr şərqindəki Tizi Vizu əyalətinin Məhkəmə Şurasının Baş prokuroru Əbdülqədir Umeyruş keçirdiyi mətbuat konfransında yanğınlarda həyatını itirənlərin sayının 28 -i əsgər, 41-i mülki olmaqla 69-a çatdığını söyləyib.
Ölənlərin sayının yüzlərlə ola biləcəyini, lakin dəqiq sayının hazırda bilinmədiyini qeyd edən Umeyruş yanğınların ölkənin xeyrini istəməyənlər tərəfindən başladığını irəli sürüb.
Digər tərəfdən, yanğında ölənlərə görə bu gündən etibarən ölkədə 3 günlük matəm elan edilib.
Əlcəzair Baş Nazirliyindən yayılan məlumatda yanğınların söndürülməsi üçün Avropa İttifaqı ilə təyyarə kirayə götürülməsi üçün müqavilə imzalandığı bildirilib.
Qeyd edək ki, Əlcəzairdə 18 əyalətdə 71 fərqli nöqtədə meşə yanğınlarının başladığı bildirilir.
