Rusiya-Özbəkistan birgə hərbi təlimlərinin rəsmi açılış mərasimi keçirilib

Rusiya-Özbəkistan birgə hərbi təlimlərinin rəsmi açılış mərasimi keçirilib.

Özbəkistan Müdafiə Nazirliyindən verilən açıqlamaya görə, ölkənin Əfqanıstanla sərhədindəki Tirmiz poliqonunda Özbəkistan Silahlı Qüvvələrilə  Rusiyanın Mərkəzi Hərbi Bölgə komandanlığında vəzifə icra edən Rusiya əsgərlərinin iştirakı ilə iyulun 30-da başlayan "Cənub-2021" Rusiya-Özbəkistan birgə təliminin açılış mərasimi təşkil edilib.

Açılış mərasimində Özbəkistan müdafiə nazirinin müavini Kadirjan Tursunov və Rusiya Mərkəzi Hərbi Dairəsinin komandir müavini Nikolay Tereşenko da iştirak ediblər.

Avqustun 8-dək davam edəcək təlimə qatılan əsgərlər ölkəyə qanunsuz daxil olan silahlı dəstələrin zərərsizləşdirilməsi məsələsi ilə məşğul olacaqlar.

Təlim zamanı Özbəkistan və Rusiya Silahlı Qüvvələri silahlı dəstələri aşkar edərək məhv etmək və düşmənin hücumlarını dəf etmək üçün hərbi komandanlıq, manevr, müdafiə və hücum bacarıqlarını nümayiş etdirəcəklər.

Hər iki ölkədən 1500 əsgər 200 hərbi maşınla birgə təlimdə iştirak etdikdə, Qırğızıstandakı Rusiya hərbi bazasında xidmət göstərən Su-25 döyüş təyyarələri və hərbi helikopterlər də dəstək verəcək.