ABŞ Əfqanıstana əlavə quru qoşunları göndərəcək

ABŞ təhlükəsizlik tədbirləri üçün Əfqanıstana əlavə quru qoşunları göndərəcək.

ABŞ Müdafiə Nazirliyinin (Pentaqon) sözçüsü Con Kirbi gündəlik mətbuat konfransında Əfqanıstandan çıxma prosesi davam edərkən ölkəyə hərbi qüvvələri qorumaq və dəstək üçün əlavə qüvvələr göndərməyi planlaşdırdıqlarını açıqlayıb.

Kirbi bölgədə "B-52" tipli nüvə tutumlu bombardmançiı təyyarə sayını 6-ya çıxardıqlarını bildirib. 

Daha əvvəl bölgəyə 4 təyyarənin gəldiyi elan edilmişdi.

Kirbi əsgərlərin Əfqanıstanı tərk etməsinin təhlükəsiz şəkildə həyata keçməsi üçün vacib tədbirləri görməyə davam edəcəklərini qeyd edib.