Xuan Quaido ABŞ ordusu ilә әmәkdaşlıq etmәk istəyir
Bu barәdә Xuan Quaido Karakasda keçirdiyi mitinqdә qeyd edib.
Venesuelada özünü müvəqqəti prezident elan edən Milli Məclis sәdri Xuan Quaydo tәmsilçisinә Amerika Birləşmiş Ştatlarının ordusu ilə "əməkdaşlıq" məsələsində görüş keçirmәsi ilә әlaqәdar göstәriş verib.
Quaydo bir qrup əsgərlə aprelin 30-da uğursuzluqla nəticələnən çevriliş cәhdindә iştirak etdiyi üçün həbs olunan Milli Mәclisin sәdr müavini Edqar Zambrano ilә әlaqәdar paytaxt Karakasın Barta səmtində keçirilən etiraz aksiyasında tərəfdarlarına müraciәt edib.
Xuan Quaydo Alfredo Sadel meydanında keçirilәn mitinqdә ABŞ-dakı tәmsilçisi Karlos Vechoya ABŞ ordusunun komandiri Qreq Faller ilә görüş keçirmәsi ilә әlaqәdar göstәriş verdiyini bildirib.
Qeyd edәk ki, Xuan Quaydo dünәn şәxsi internet sәhifәsindәn verdiyi açıqlamada Venesuelanı ELN terror tәşkilatına ev sahibliyi etmәkdә ittiham edәn Kolumbiya prezidenti İvan Duque ilә telefon әlaqәsi saxladığını bildirmişdi.
Xuan Quaydo İvan Duque ilә bu mәsәlәni müzakirә etdiklәrini qeyd etmişdi.
Xatırladaq ki, Venesuela müxalifətinin lideri Xuan Quaydo ölkə əhalisini mayın 11-də etiraz aksiyalarına çıxmağa səslәmişdi.