İsrail ilə Hindistan arasında 777 milyon dollarlıq müqavilə bağlandı

Bu barədə İsrail Aerokosmik Sənayesindən yazılı açıqlama verilib. Bəyanata görə Hindistan Dəniz Qüvvələri, İsraildən 7 fərqli gəmidə istifadə edilmək üzrə İsraildən uzun məsafəli Barak-8 havadan müdafiə sistemi satın alacaq.

Müqavilə İsrail Aerokosmik Sənayesi ilə Hindistanda yerləşən Bharat Electronics Limited şirkəti arasında imzalanıb.

Qeyd edək ki, İsrail bu satış ilə yanaşı son illərdə Barak-8 havadan müdafiə sistemləri satışından 6 milyard dollar gəlir əldə edib.

İsrailin müdafiə naziri Aviqdor Lieberman, təhlükəsizlik sahəsində ödənən pulun xərc yox, investisiya olduğunu qeyd  edib.