Mayk Pens itkin düşmüş sәudiyyәli jurnalis ilә bağlı açıqlama verib

Әgәr Sәudiyyә Әrәbistanı tәlәb edәrsә, Camal Kaşıkçının itkin düşməsi məsələsi ilə bağlı Türkiyәyә  Federal Təhqiqatlar Bürosundan (FTB) bir heyət göndərə bilərik.

Bunu Amerika Birlәşmiş Ştatlarının vitse-prezidenti  Mayk Pens (Mike Pence)  deyib.

Bir radio proqramının qonağı olan Mayk Pens verdiyi açıqlamada itkin düşәn sәudiyyәli jurnalis ilә bağlı istintaqın aparılmasına  yardım etmәyә hazır olduqlarını bildirib.

‘‘Әgәr Sәudiyyә Әrәbistanı tәlәb edәrsә ABŞ hәr növ kömәyi etmәyә hazırdır’’ deyә Amerika Birlәşmiş Ştatlarının vitse-prezidenti  Mayk Pens qeyd edib.

Qeyd edək ki, oktyabrın 2-də “Vaşinqton Post” qəzetinin müxbiri Camal Kaşıkçı Sәudiyyә Әrәbistanının İstanbuldakı Baş Konsulluğunun binasına girdikdən sonra onunla əlaqə yaratmaq mümkün olmayıb.