Yunanıstanda ölənlərin sayı 79-a çatıb
Yunanıstanın paytaxtı Afina yaxınlığında tüğyan edən güclü meşə yanğınlarında həyatını itirənlərin sayı 79 nəfərə çatıb.
1019074
Dağıntı və çoxsaylı insan tələfatına səbəb olan təbii fəlakət nəticəsində 164-ə qədər adam xəsarət alıb. Xilas etmə idarəsi başçılığının məlumatına görə zərərçəkənlərdən 23-ü uşaqdır. 11 nəfərin vəziyyəti ağır qiymətləndirilir. 100-dən çox adamın isə itkin düşdüyü təxmin edilir. Ən ciddi vəziyyət ölkənin cənub-şərqindəki Attika bölgəsində, həmçinin Kineta, Rafina, Mati, Pikermi və Neos Vutzas şəhərlərində qeydə alınıb. Hökumət fəlakət zonalarında fövqəladə vəziyyət elan edib. 1000-dən çox ev və bina kül olub.