Suriya üzrə sülh danışıqları davam edir
Suriya üzrə sülh görüşləri çərçivəsində Suriya müxalifətini təmsil edən Nasır əl-Haririnin rəhbərlik etdiyi nümayəndə heyəti BMT-nin Suriya üzrə xüsusi elçisi Steffan de Mistura və Rusiya xarici işlər nazirinin müavini Gennadi Qatilovla görüşüb.
İsveçrənin Cenevrə şəhərində davam edən Suriya üzrə sülh görüşləri çərçivəsində Suriya müxalifətini təmsil edən Nasır əl-Haririnin rəhbərlik etdiyi nümayəndə heyəti BMT-nin Suriya üzrə xüsusi elçisi Steffan de Mistura və Rusiya xarici işlər nazirinin müavini Gennadi Qatilovla görüşüb.
BMT-nin Cenevrədəki qəragahında təxminən 1 saat davam edən toplantıdan sonra Gatilov və Hariri ayrı-ayrılıqda mətbuat konfransı keçiriblər.
Rusiya xarici işlər nazirinin müavini Gennadi Qatilov verdiyi açıqlamada danışıqların çətin keçdiyini və tərəflər arasında fikir ayrılıqlarının olduğunu bildirib.
Qatilov həmçinin tərəflərin danışıqlara davam etmək istədiyini hiss etdiyini də vurğulayıb.
Suriya müxalifətini təmsil edən Nasir əl-Hariri də danışıqların müsbət keçdiyini qeyd edərək: " İlk dəfə azad, ədalətli və şəffaf seçkilərin keçirilməsi məsələsini müzakirə etdik. Qarşıdakı görüşlərdə də bu məsələni ətraflı müzakirə etməyi ümid edirik" deyib.