Rusiya Aralıq dәnizinә tәyyarә gәmisi göndәrmәyi planlaşdırır
Rusiyanın Müdafiə naziri Sergey Şoyqu Aralıq Dənizinə təyyarə gəmisi göndərməyi planlaşdırdıqlarını deyib.
Müdafiə Nazirliyində keçirilən toplantıda çıxış edәn Şoyqu: ‘‘Hazırda şәrqi Aralıq dәnidindә Rusiyaya aid 6 döyüş gәmisi ilә 3-4 әdәd kömәkçi gәmisi var. Hәrbi gücü artırmaq üçün ‘‘Admirak Kuznetsov’’ adlı tәyyarә gәmisini bölgәyә göndәrmәyi planlaşdırırıq’’ deyә bildirib.
Daha әvvәl Rusiya mәtbuatında yer alan xәbәrlәrdә Rusiyanın yeganә döyüş gәmisi ‘‘Admiral Kuznetsov’’un Suriyadakı әmәliyyatlarda istifadә edilmәk üçün Aralıq dәnizinә göndәrilәcәyi bildirilmişdi.
Digәt tәrәfdәn Rusiya Müdafiә Nazirliyinin sözcüsü İqor Konaşenkov Amerika Birlәşmiş Ştatlarının rәhbәrliyindәki koalisiya qüvvәlәrinә aid pilotsuz uçuş aparatının Hәlәbә bağlı Urum әl-Kubra bölgәsindә sentyabrın 19-da BMT vә Suriya Qırmızı Aypara Cәmiyyәtinә mәxsus humanitar yardım konvoyuna hücum tәşkil olunduğu zaman bölgәdә uçduğunu iddia edib.
Konaşenkov koalisiya qüvvәlәrinә aid pilotsus uçuş aparatının İncirlik bazasından havaya qalxdığını irәli sürәrәk: ‘‘ Pilotsuz uçuş aparatı sentyabrın 19-da konvoyun keçdiyi bölgәdә 3 min 600 metr yüksәklikdә vә tәxminәn 200 km sürәtlә uçurdu. Pilotsuz uçuş aparatı hadisә baş vermәzdәn bir neçә dәqiqә әvvәl bölgәyә daxil oldu vә tәxminәn yarım saat sonra bölgәni tәrk etdi’’ deyә bildirib.
Qeyd edәk ki, humanitar yardım konvoyuna tәşkil olunan hava hücumu nәticәsindә 20 mülki vәtәndaş hәyatını itirmişdi.