Yaponiyanın şimalında 5,3 bal gücündə zəlzələ baş verib
İyunun 16-da Yaponiyanın şimalında 5,3 bal gücündə zəlzələ baş verib, sunami təhlükəsi elan olunmayıb.
512426
İyunun 16-da Yaponiyanın şimalında 5,3 bal gücündə zəlzələ baş verib, sunami təhlükəsi elan olunmayıb.
Yaponiya Milli Meteorologiya Agentliyinin yaydığı məlumata əsasən, yeraltı təkanlar yerli vaxtla saat 14:21 dəqiqədə qeydə alınıb. Zəlzələnin ocağı Hokkaydo adasından cənub-qərbdə, 10 kilometr dərinlikdə yerləşib.
Hokkaydo adasının şimalında, o cümlədən Aomori, İvate və Akita prefekturalarında 5 bal gücündə yeraltı təkanlar hiss olunub.
Dağıntılar və zərərçəkənlər barədə məlumat verilmir. Ərazidə yerləşən atom elektrik stansiyasının işində də fasilələr yaranmayıb.