İran ABŞ-ın qərarına reaksiya göstərib
İran Amerika Birləşmiş Ştatları Ali Məhkəməsinin təzminat ilə bağlı qərarına reaksiya göstərib.
475864
İran XİN rəhbərliyinin sözçüsü ABŞ-ın qərarını pislədiklərini və rədd etdiklərini söyləyib.
Amerika Birləşmiş Ştatları Ali Məhkəməsi 1983-cü ildə Beyrutdakı hücumlarda ölən Amerika əsgərlərinin ailələrinə ödənəcək 2 milyard 600 milyon dolların İranın dondurulan fondlarından ödənməsinə qərar verib.
Digər tərəfdən, ABŞ Dövlət Departamentinin sözçüsü Con Kirbi ABŞ Dövlət katibi Con Kerri ilə İranlı həmkarı Cavad Zərif ilə bu gün baş tutacaq görüşdə İrana tətbiq edilən sanksiyaların yüngülləşdirilməsini müzakirə edəcəklərini deyib.
ABŞ Məclis sözçüsü Pol Ryan da verdiyi yazılı açıqlamada, görüşdə Kerrinin sanksiyaları yüngülləşdirəcəyini qeyd edib.