Suriyanın gǝlǝcǝyi yenǝ müzakirǝyǝ çıxarılıb

Suriya mǝsǝlǝsinin müzakirǝ edilǝcǝyi nazirlǝr yığıncağı dekabrın 18-dǝ Nyu-Yorkda keçirilǝcǝk.
Yığıncağa ABŞ ilǝ Rusiyanın razılıq ǝldǝ etdiklǝri qrupların nümayǝndǝlǝri dǝ qatılacaq. Әl Nusra vǝ DEAŞ yığıncaqda iştirak etmǝyǝcǝk.
ABŞ Dövlǝt katibi Con Kerri Moskvada keçirdiyi görüşlǝrdǝn sonra DEAŞ ilǝ mübarizǝ mövzusunda Rusiya ilǝ razılıq ǝldǝ ediklǝrini dilǝ gǝtirǝrǝk deyib ki, DEAŞ sadǝcǝ bölgǝ üçün deyil, hǝr kǝs üçün bir tǝhdid tǝşkil edir. Bu barǝdǝ vǝ Suriyadakı toqquşmalar dayanmamış DEAŞ-ın mǝhv edilǝ bilmǝyǝcǝyi mövzusunda razılaşdıq.
Görüşlǝrdǝ Suriya prezidenti Bǝşǝr Әsǝdin gǝlǝcǝyi dǝ müzakirǝ edilib.
Kerri rus tǝrǝfinǝ keçid dövründǝ Әsǝdin hakimiyyǝtdǝ qala bilmǝyǝcǝyini bildirǝrǝk deyib ki, hal-hazırda diqqǝt mǝrkǝzimizdǝ Әsǝd yoxdur. ABŞ DEAŞ-ı mǝhv etmǝk üçün Rusiya ilǝ birgǝ addım atmağa hazırdır.
ABŞ Dövlǝt katibi Con Kerri Rusiyanın müxaliflǝri vurmasından duyulan narahatlığı Putinǝ çatırdıqlarını deyib.
Moskvadakı görüşdǝ ABŞ ilǝ Rusiya Suriyada ǝmǝliyyat hǝyata keçirdiklǝri yerlǝr barǝdǝ qarşılıqlı olaraq mǝlumat vermǝyi dǝ vǝd edib.
Digǝr tǝrǝfdǝn Sǝudiyǝ Әrǝbistanı Xarici İşlǝr naziri Adil ǝl Cübeyr Suriyaya xüsusi tǝlim keçmiş dǝstǝlǝr göndǝrmǝk üçün digǝr körfǝz ölkǝlǝrilǝ görüşlǝr keçirdiklǝrini bildirib.
Cübeyr xüsusi qüvvǝlǝrin neçǝ ǝsgǝrdǝn ibarǝt olacağı vǝ ǝmǝliyyatlarının hǝdǝflǝrinin müzakirǝ edildiyini, bir neçǝ hǝftǝyǝ mǝsǝlǝnin işıqlandırılacağını qeyd edib.