Misir ordusu tunellǝrǝ od vurub yandırır

Misir ordusu fǝlǝstinlilǝr üçün hǝyatı ǝhǝmiyyǝtǝ malik tunellǝri yandırmaq üçün Qǝzza sǝrhǝdindǝ iri su boruları çǝkmǝyǝ başlayıb.
Fǝlǝstinin tǝhlükǝsizlik mǝnbǝlǝri tǝrǝfindǝn verilǝn mǝlumata ǝsasǝn, Misir ordusunun tǝqribǝn bir hǝftǝ ǝvvǝl sǝrhǝd uzunu çǝkmǝyǝ başladığı borularla tunellǝrin dǝnizdǝn çǝkilǝn suyla uçurdulmasının hǝdǝflǝndiyi bildirilib.
Tunelin yiyǝsi qǝzzalı Әbu Әhmǝd borularla çǝkilǝn dǝniz suyunun torpaqaltı sularına qarışmasının da ekologiya cǝhǝtdǝn bir fǝlakǝt olacağını bildirǝrǝk deyib ki, sǝrhǝd mǝntǝqǝsi bataqlığa çevirilǝcǝk vǝ sǝrhǝdǝ yaxın bölgǝlǝrdǝ ǝkinçilik işlǝrilǝ mǝşğul olan fǝlǝstinlilǝr dǝ dǝ bundan mǝnfi tǝsirlǝnǝcǝk.
İsrailin mühasirǝdǝ saxladığı Qǝzzada demokratik seçkilǝ hakimiyyǝtǝ gǝlǝn “Hǝmas”ın idarǝni tǝhvil almasından sonra 2007-ci ildǝ Misir-Qǝzza arasındakı Rifah Keçid mǝntǝqǝsi ticarǝt keçişlǝrinǝ bağlanmışdı.
İsrailin mühasirǝsi vǝ sǝrhǝd keçid mǝntǝqǝsinin bağlanmasına görǝ fǝlǝstinlilǝr ǝsas ehtiyaclarını ödǝyǝ bilmǝk mǝqsǝdilǝ tunellǝrǝ üz tutmuşdu.
Qǝzza-Misir arasındakı çoxlu saydakı tunǝldǝn başda tǝmǝl ǝrzaq maddǝlǝri vǝ dǝrman olmaqla canlı heyvandan avtomobilǝ qǝdǝr Qǝzza xalqının ehtiyacı olan müxtǝlif şeylǝrlǝ yanacaq maddǝ keçirilirdi.
Qeyd edǝk ki, 2013-cü il iyulun 3-dǝ hǝyata keçirilǝn çevrilişdǝn sonra hakimiyyǝtǝ gǝlǝn idarǝ fǝlǝstinlilǝr üçün hǝyatı ǝhǝmiyyǝt daşıyan tunellǝrin bir hissǝsini yıxmışdı.