19 avqust-Dünya Humanitar Yardım Günüdür

Dünyada 80 milyondan artıq insan tǝcili yardıma möhtacdır.
Hǝr il 18 milyon insan isǝ yoxsulluğa görǝ hǝyatını itirir. Hǝrb vǝ toqquşmalar ǝziyyǝt çǝkǝnlǝrǝ hǝr gün yenisini ǝlavǝ edir.
Sǝrhǝd Tanımayan Hǝkimlǝr Tǝşkilatının sǝdri Kǝrǝm Kınık bununla bağlı mǝlumat verǝrǝk bildirib ki, dünya ǝhalisinin tǝqribǝn 10 faizi dünyanın bütün varlığının 70 faizinǝ sahibdir. Gǝlirin paylanmasında çox ciddi bir ǝdalǝtsizlik var. Әslindǝ hamımıza kifayǝt edǝcǝk qǝdǝr varlıq var. İnsanların gǝlirinin bir hissǝsini nizamlı olaraq yardımlara ayırması vacibdir.
İstehsal edilǝn 4 milyard ton ǝrzağın 1,5 milyard tonunun heç istehlak edilmǝdǝn tullandığını qeyd edǝn hǝkim Kınık vurğulayıb ki, beş yaşı tamam olmadan dünyasını dǝyişǝn uşaqların sayı 7 milyondan artıqdır. Bunların yarısı aclıqdan hǝlak olur. Hǝr il 18 milyon insan yoxsulluğa görǝ erkǝn yaşda hǝyatını itirir.
Mütǝxǝssislǝr yardımlar davam etsǝ dǝ ǝdalǝtsizliyǝ sǝbǝb olan amillǝrin ortadan qaldırılmasının vacibliyini dilǝ gǝtiriblǝr.