İsrail 2014-ci ildǝ 6 min 59 fǝlǝstinlini hǝbs edib

İsrail ǝsgǝrlǝrinin, İordan çayının Qǝrb Sahilindǝ 3 fǝlǝstinlini saxladığı bildirilib.
İsrail ordu radiosunun xǝbǝrindǝ, İordan çayının Qǝrb Sahilinin cǝnubundakı Gush Etzion yaşayış mǝntǝqǝsinǝ sızdığı iddia edilǝn bir fǝlǝstinli gǝncin saxlanıldığı ifadǝ edilib. Gǝncin İsrailin daxili kǝşfiyyat tǝşkilatı Şabak tǝrǝfindǝn istintaq edildiyi bildirilib.
İordan çayının Qǝrb Sahilinin cǝnubundakı Halhul yaşayış mǝntǝqǝsindǝ dǝ İsrail qüvvǝlǝrinin ǝleyhinǝ nümayişlǝrǝ qatıldığı irǝli sürülǝn 2 fǝlǝstinlinin hǝbs edildiyi açıqlanıb.
Digǝr tǝrǝfdǝn Qǝzzadakı ǝkin sahǝlǝrinǝ atǝş edilib.
Şahidlǝrin mǝlumatına ǝsasǝn, Qǝzza zolağının Xan Yunus şǝhǝri sǝrhǝdindǝki, Kissufim bölgǝsindǝki İsrail ǝsgǝrlǝri, sǝrhǝdǝ yaxın ǝkin ǝrazilǝrinǝ atǝş açıb. Hadisǝ zamanı ölǝn vǝ ya yaralanan olmadığı, ǝkinlǝrǝ ziyan dǝydiyi bildirilib.
Qeyd edǝk ki, 2014-cü ildǝ 6 min 59 fǝlǝstinli İsrail tǝrǝfindǝn hǝbs edilib. Hǝbs edilmǝlǝrin keçǝn illǝ müqayisǝdǝ 56 faiz artığı qeyd edilib. Hesablamalara görǝ gündǝ 17 nǝfǝrǝ yaxın fǝlǝstinli saxlanılıb.