Yəməndə üsyana çağırış

Yəmənin Ədən və Hadramut şəhərlərində Separatçı Cənub Hərəkatı, müstəqillik tələbiylə “üsyan” çağırışı edib.
Ötən gün Hərəkatın verdiyi açıqlamada, dəstəkçilərdən xəstəxana, elektrik və su idarələri istisna olmaqla, hökumət təşkilatları, məktəb və bankları əhatə edəcək “ümumi üsyan”a qatılmaları istənilib.
Xatırladaq ki, Cənub Hərəkatı, ötən həftə də “müstəqillik və yeni dövlət qurmaq” üçün tərəfdarlarını üsyana çağırmışdı, bununla əlaqədar şəhərdəki bir çox yollar, ticarət mərkəzləri və təşkilatlar bağlanmışdı.