Iroq shimolidagi portlashda turk harbiy Vedat Zorba halok bo'ldi
Turkiya Vitse-prezidenti Jevdet Yilmaz va Milliy mudofaa vaziri Yashar Guler halok bo'lgan qahramon turk askari oilasiga hamdardlik bildirdi.
Turkiya Qurolli kuchlari tomonidan Iroq shimolidagi "Panja-Qulf" amaliyoti hududida bo'lginchi terror tashkiloti a'zolari tomonidan qo'yilgan qo'lbola bombaning portlashi oqibatida bir nafar turk harbiy halok bo'ldi.
Bu haqda Turkiya Milliy mudofaa vazirligi bayonotida qayd etildi.
"2024-yil 22-may kuni "Panja-Qulf" amaliyoti hududida sodir bo'lgan portlashda qahramon safdoshimiz, piyoda askar Vedat Zorba ogʻir yaralangandi. Qahramon askarimiz darhol kasalxonaga yotqizilgan va shifokorlarning barcha sa'y-harakatlariga qaramay, yarador askar halok bo'ldi. Qadrdon shahidimizni Alloh o'z rahmatiga olgan bo'lsin! Uning motamsaro oilasiga, Turkiya Qurolli Kuchlariga va olijanob xalqimizga hamdardlik va sabr bildiramiz”,-deyiladi bayonotda.
Vitse-prezident Jevdet Yilmaz va Milliy mudofaa vaziri Yashar Guler ham halok bo'lgan qahramon turk askari oilasiga hamdardlik bildirdi.
