Turkiya TIV rahbari Ozarbayjon va Armaniston o’rtasida imzolangan bitimga munosabat bildirdi
Turkiya Ozarbayjon bilan abadiy birga bo’lishini ta’kidlagan Mavlud Chavusho’g’li: “Bu Ozarbayjon uchun buyuk g’alabadir, zafardir. 30 yildan buyon ishg’ol qilingan hududlar qaytarib olinyabdi”,-dedi.
Turkiya TIV rahbari Mavlud Chavusho’g’li Ozarbayjon va Armaniston o’rtasida Tog‘li Qorabog‘da tinchlik o‘rnatish to‘g‘risida imzolangan bitimga munosabat bildirdi.
“Endi bitimda belgilangan talablarning bajarilishini kuzatish zarur. Bu xususda muzokaralarimiz davom etmoqda”,-deb aytgan Mavlud Chavusho’g’li.
Turkiya hamisha Ozarbayjon bilan birga bo’lishini ta’kidlagan Mavlud Chavusho’g’li: “Bu Ozarbayjon uchun buyuk g’alabadir, zafardir. 30 yildan buyon ishg’ol qilingan hududlar qaytarib olinyabdi”,-dedi.
Mavlud Chavusho’g’li rasmiy tashrif bilan Turkiyada bo’lib turgan Qirg’iziston TIV rahbari Ruslan Kazakbayev bilan matbuot anjumani o’tkazdi.
Anjumanda Qirg’izistonda bo’lib o’tgan saylovdan keyingi bugungi holatga munosabat bildirgan Mavlud Chavusho’g’li: “Saylovdan keyin boshlangan norozilik namoyishlari va tartibsizliklarda avvalo Fathulloh Gulen harakati a’zolari maydonga chiqdi. Xalq buni guvohi bo’ldi va Fathullohchilarni maydonlardan quvib chiqardi”,-dedi.
AQSh ham Fathulloh Gulen harakati xavfini idrok qila boshlaganligini tilga olgan Mavlud Chavusho’g’li: “Ushbu haqiqatni ko’ra olganidan mamnunmiz”,-dedi.
