Turkiya va eronlik tadbirkorlar o’z sohalari bo’yicha fikr almashdilar
Turkiyaning Van viloyatida DAKA tomonidan Turkiya bilan Eron o’rtasidagi to’qimachilik tarmog’idagi hamkorlikni rivojlantirish maqsadida muhim yig’ilish bo'lib o'tdi.
![Turkiya va eronlik tadbirkorlar o’z sohalari bo’yicha fikr almashdilar](http://cdn.trt.net.tr/images/xlarge/rectangle/b0d7/8ce7/cd6f/5a16a0b5004db.jpg?time=1718808779)
Turkiyaning Van viloyatida Sharqiy Osiyo taraqqiyot agentligi (DAKA) tomonidan Turkiya bilan Eron o’rtasidagi to’qimachilik tarmog’idagi hamkorlikni rivojlantirish maqsadida “Van-Eron To’qimachilik va tayyor kiyim-kechak ustida ish olib borgan tadbirkorlar yig’ilishi” uyushtirildi.
Yig’ilishda to’qimachilik tarmog’idagi eronlik va turkiyalik tadbirkorlar o’z sohalari bo’yicha fikr almashdilar.
DAKA Bosh kotibi Halil Ibrahim Guray yig’ilishda so’zlagan nutqida agentliklarining mamlakatning Van, Bitlis, Mush va Hakkari viloyatlarida o’z mahsulotlarini tanitganligini va tashqaridan kelgan investorlarni moliyaviy jihatdan qo’llab-quvvatlaganligini qayd etdi.
Dunyo investorlari orasida eronlik investorlarga alohida e’tibor berganliklarini ham eslatgan DAKA Bosh kotibi
“Van bilan Eron o’rtasida atigi 300 kilometrlik masofa bor. Eron bilan Turkiya et bilan tirnoqdek, bir jonu bir tan hisoblanadi. Biz o’zaro munosabatlarda ayniqsa savdo tarmog’ida buyuk imkonlar yarata olamiz degan umiddamiz. Shuning uchun ham DAKA tarkibida Eron xonasi ham ochidk” dedi.
Halil Ibrahim Guray Eron xonasining Turkiya va Eronda investitsiya kiritmoqchi bo’lgan turklarga rahbarlik qilajagini ham o’z so’ziga ilova etdi.
Aloqador xabarlar
![Kruiz kemasi orqali Bodrumga 539 nafar yo‘lovchi keldi](http://cdn.trt.net.tr/images/medium/rectangle/e6ba/590e/d2a2/66715dd0cba44.jpg?time=1718808779)
Kruiz kemasi orqali Bodrumga 539 nafar yo‘lovchi keldi
Kruiz kemasi orqali Mug‘la viloyatiga qarashli Bodrum tumaniga 539 nafar yo‘lovchi keldi.
![Istanbul aeroporti parvoz bo‘yicha yana rekord o‘rnatdi](http://cdn.trt.net.tr/images/medium/rectangle/f508/5ac6/11c4/666192e806ade.jpg?time=1718808779)
Istanbul aeroporti parvoz bo‘yicha yana rekord o‘rnatdi
Istanbul aeroporti 1642 ta qatnov orqali bu borada yana rekord o‘rnatdi.