Kim Chen In Janubiy Koreyani “dushman davlat” deb e’lon qildi

Shimoliy Koreya yetakchisi Kim Chen In Janubiy Koreyani “dushman davlat” deb e’lon qilish vaqti kelganini aytdi.

Koreya markaziy axborot agentligi maʼlumotlariga koʻra, Kim Chen In oʻq-dorilar ishlab chiqarish zavodlariga tashrif buyurganida shunday bayonot bergan.

Seul ma'muriyatini mojaro va qurollanishni rag'batlantirishda ayblagan Shimoliy Koreya rahbari ikki mamlakat o'rtasidagi munosabatlarning yomonlashuvini "yangi bosqich" va "muqarrar haqiqat" deb ta'rifladi.

Kim Koreya yarim orolida bir tomonlama hodisa yaratmasligini aytdi, ammo "ular urushdan qochish niyatida emasligini" qo'shimcha qildi.