Janubiy Koreyada muxolifat yetakchisi Li Jemyon pichoqlab ketildi
Hujumni sodir qilgan shaxs voqea joyida qo'lga olinar ekan, uning shaxsi va tavsifi haqida batafsil ma'lumot berilmagan.
Janubiy Koreyada muxolifat yetakchisi sifatida tanilgan Li Jemyon bugun, 2 yanvar kuni janubi-sharqdagi Pusan shahriga tashrifi chog‘ida noma’lum shaxs tomonidan pichoqlab ketildi.
Janubiy Koreyaning Yonhap agentligi ma’lumotlariga ko‘ra, voqea ertalab Li Pusanning Gadeok orolidagi qurilish maydonchasiga tashrif buyurgan vaqtida sodir bo‘lgan.
Ma'lumotga ko‘ra, jinoyatchi o‘zini yetakchining tarafdori sifatida ko‘rsatgan, uning dastxatini olmoqchi ekanligini aytib, unga yaqinlashgan. So‘ng muxolif partiya raisining bo‘yniga pichoq tortib yuborgan.
Li Jemyon yerga yiqilishi bilan uning atrofidagi odamlardan biri ro‘molcha bilan qon ketishini to‘xtatgan. Ayni paytda 59 yoshli “Toburo” partiyasi yetakchisi davolanish uchun yaqin atrofdagi shifoxonaga olib ketilgan.
Hujumni sodir qilgan shaxs voqea joyida qo'lga olinar ekan, uning shaxsi va tavsifi haqida batafsil ma'lumot berilmagan.
Mamlakat prezidenti Yun Suk Yeol muxolifat yetakchisi Li Jemyonning davolanishi uchun barcha choralar ko'rilishini va voqea yuzasidan tergov boshlatilishini buyurdi.
Aloqador xabarlar
Gʻarbiy sohilda nazorat ostiga olingan falastinliklar soni ortdi
Gʻarbiy sohilda Isroil politsiyasi tomonidan nazorat ostiga olingan falastinliklar soni ortdi.
Afgʻonistonda namoz oʻqiyotganlarni nishonga olgan hujum uyushtirildi
Kecha Afgʻonistonda namoz oʻqiyotganlarni nishonga olgan qurolli hujum uyushtirildi.