Rossiya Ukrainaga qarshi raketa hujumi uyushtirdi

Rossiya tomonidan Ukrainaning Odessa portidagi «Garri Potter qal’asi» degan nom bilan tanilgan binoga qarshi raketa orqali hujum uyushtirildi. Oqibati esa, 4 kishi umriga zomin bo‘ldi.

Ukrainaning Favqulodda vaziyatlar xizmati (DSNS), Rossiya tomonidan kecha Ukrainaning Odessa portiga qarshi uyushtirilgan raketa hujumi oqibatida 4 kishi halok bo‘lgani va 32 kishi tan jarohati olganini ma’lum qildi.

Ukraina matbuotiga ko‘ra, hujum vaqtida sobiq deputat Sergey Kivalov ham binoda bo‘lgan.

Binoda, Kivalov rahbarligidagi Odessa yuridik akademiyasi joylashgan.