Iroqdagi qum bo‘roni tufayli 500 dan ortiq kishi kasalxonaga yotqizildi
Iroqdagi qum bo‘roni tufayli insonlar, bo‘g‘ilish xavfiga duchor bo‘lmoqda.
Iroqda tunov kunidan beri davom etayotgan qum bo‘roni tufayli 500 dan ortiq kishi kasalxonaga yotqizildi.
Sog‘liqni saqlash vazirligi Matbuot xizmati kotibi Sayf al-Badir tomonidan mavzu haqida berilgan bayonotda, mamlakat bo‘ylab, ayniqsa poytaxt Bog‘dodda jami 515 kishi nafas olishda qiynalib, bo‘g‘ilish xavfi bilan shifoxonalarga murojaat qilgani ta’kidlandi.
Kasalxonaga yotqizilganlarga kerakli muolaja qilinganini qayd etgan al-Badir, yuzaga kelish extimoli bo‘lgan yangi holatlarga qarshi olingan chora-tadbirlar doirasida tez yordam va tibbiy guruhlar safarbar qilinganini bildirdi.
Iroq Sog‘liqni saqlash vazirligi Matbuot xizmati kotibi shifoxonalarga murojaat qilganlarning ko‘pchiligi uyiga chiqarilgani va o‘lim holatlari qayd etilmaganini o‘z so‘ziha ilova etdi.
Aloqador xabarlar
Hindistonda ulkan reklama lavhasi odamlar ustiga quladi
Dastlabki ma’lumotlarga ko‘ra, voqeada 8 kishi halok bo'lgan, kamida 59 odam jarohatlangan.
