кобахидзе бир йавропа иттипақи комитети әзасиниң тәһдит салғанлиқини билдүрди

кийә авази радийоси хәвири: гирузийә баш министири иракли кобахидзе иҗтимаий таратқу адресида йазма байанат елан қилип, парламент қобул қилған вә өктчиләр вә бәзи ғәрб дөләтлири русийәниң қоллиши астида чиқирилғанлиқини илгири сүргән «чәт әл тәсириниң очуқ-ашкара болуши» қануниға мунасивәтлик тәрәққийатлар үстидә тохталди.

у қанунға наразилиқ билдүргән бәзи сийасәтчиләрни гирузийә хәлқигә вә һөкүмитигә тәһдит селиш билән әйибләп: «хәлқ қанунға мунасивәтлик тәрәққийатларни, йуқири дәриҗилик бәзи сийасәтчиләрниң хәлққә вә сайланған һөкүмәткә очуқ-ашкара тәһдит селиштин йанмиғанлиқини көзәтмәктә» деди.

у йавропа иттипақи комитетиниң бир әзаси билән телефонда көрүшкәндә, өзигә тәһдит селинғанлиқини илгири сүрүп мундақ деди:

 «йавропа иттипақи комитетиниң биз әзаси билән телефонда көрүшкинимдә селинған тәһдит, кишини чөчүтиду. комитет әзаси қанун қобул қилинғандин кейин йолға қойулидиған бир қатар тәдбирләрни оттуриға қойди вә бу җәрйанда <силовенийә баш министири роберт фикоға немә болғанлиқини көрдиңиз, шуңа интайин диққәт қилишиңиз керәк> деди.»

у сөзини давамлаштуруп: «фикоға қилинған һуҗумниң арқисида, униң партийәси билән йеқин мунасивити бар дөләтләрдин бириниң истихбарат оргининиң изи тепилғанлиқини тәкитләп өтүшни халаймән» деди.

у ахирида, дөлити вә өзигә тәһдит салғанларниң пиланлириниң мувәппәқийәткә еришәлмәйдиғанлиқиға ишинидиғанлиқини әскәртип, тинчлиқ һәмдә сийасий муқимлиқни давамлаштуридиғанлиқлирини қәйт қилди.

силовенийә баш министири роберт фико өткән һәптә министирлар кеңиши йиғинидин кейин қораллиқ һуҗумға учрап, җенидин айрилған иди.