дунйа миқйасида 62 миң 285 қанунсиз көчмән қаза қилди йаки йоқап кәтти
2014-йилдин 2023-йилғичә болған арилиқта, дунйа миқйасида 62 миң 285 қанунсиз көчмәнниң қаза қилғанлиқи йаки йоқап кәткәнлики билдүрүлди.
түркийә авази радийоси хәвири: мәркизий ишханиси җәнвәдә турушлуқ хәлқара көчмәнләр тәшкилатиниң йиллиқ доклатида, 2014 - йилдин 2023-йилғичә болған арилиқта қаза қилған йаки йоқап кәткән дәп қаралған 62 миң 285 қанунсиз көчмәндин 28 миң 854 нәпириниң африқалиқ йаки асийалиқ икәнлики, буларниң ақдеңиздин өтүшкә тиришиватқан пәйттә қаза қилғанлиқи уқтурулди.
доклатта, бу көчмәнләрдин кимликини ениқлиғили болған үчтин биридин көпирәкиниң афғанистан, берма, сүрийә вә ефийопийә қатарлиқ қораллиқ тоқунушлар йүз бериватқан дөләтләрниң пуқраси икәнлики билдүрүлди.
бу арилиқта, хәлқара көчмәнләр тәшкилатиниң санлиқ мәлуматлири, йеқинқи 10 йилдики қанунсиз көчмәнликтә 2023 - йилиниң әң әҗәллик йил болғанлиқини оттуриға қойди.
болупму, ақдеңизидики қаза қилғанлар саниниң зор дәриҗидә ашқанлиқи вә бултур бир йил ичидила 8 миң 541 қанунсиз көчмәнниң қаза қилғанлиқи әскәртилди.
