2018-yili musulman bolghanliqini jakarlighan irélandiyelik naxshichi 56 yéshida wapat boldi
esli ismi sinéd okonnor bolup, musulman bolghanliqini jakarlighandin kéyin ismini «shuheda dawit» dep özgertken dangliq naxshichining wapati hemmeylennii chongqur qayghugha chömdürdi.
türkiye awazi radiyosi xewiri: <BBC> ning xewirige asaslanghanda, sinéd okonnor dep tonulghan we musulman bolghanliqini jakarlighandin kéyin ismini «shuheda dawit» dep özgertken dangliq naxshichining ailisining bayanatida, «söyümlük sinéydning alemdin ötkenlikini chongqur qayghurush ichide élan qilimiz» déyildi.
bayanatta, 56 yashliq shuheda dawitning ailisidikiler we dostlirining bu qayghuluq xewerdin qattiq azabliniwatqanliqi bildürüldi.
90-yillarda «héchnéme 2 U ni sélishturmaydu» namliq naxshisi bilen dunyawi shöhretke ige bolghan we yalghuz kishilik pilastinkisi shundaqla xeyr-saxawet konsértliri bilen nam chiqarghan shuheda dawit hazirghiche jemiy 10 pilastinka chiqarghan idi.
shuheda dawit özining musulman bolghanliqini 2018-yili élan qilghan idi.
shuheda dawit bayanatida «men musulman bolghanliqimdin pexirlinimen. bu her qandaq eqilliq ilahiyetshunasning axri yétip baridighan tebiiy netijisidur. barliq muqeddes kitablar bizni islam dinigha bashlaydu. islam bashqa barliq muqeddes kitablarni hajetsiz qilidu». dégen idi.
irélandiyelik naxshichi islam dinini qobul qilghandin kéyin yéngi isim alidighanliqini we buningdin kéyin «Şüheda Davitt» «shuheda dawit» dégen isimni ishlitidighanliqini jakarlighan idi.
