israiliye xelqi nétanyahugha qarshi 7 - öktebirdin buyanqi eng chong namayish ötküzdi

israiliye metbuatliridiki xewerlerde, bu hepte tél awiwda ötküzülgen namayishning 7 - öktebirdin buyanqi eng chong namayish bolghanliqi bildürüldi.

2153429
israiliye xelqi nétanyahugha qarshi 7 - öktebirdin buyanqi eng chong namayish ötküzdi

türkiye awazi radiyosi xewiri: israiliye xelqi ghezze rayonidiki israiliyelik esirlerning qayturup kélinishi, bash ministir bényamin nétanyahu hökümitining istipa bérishi we muddettin burun saylam ötküzülishni telep qilip yene kochilargha chiqti.

onminglighan israiliye xelqi namayishta qaytidin esir almashturush kélishimi tüzüsh, bash ministir bényamin nétanyahu hökümitining istipa bérishi we muddettin burun saylam ötküzüsh teleplirini yene bir qétim tekrarlidi.

namayishlar tél awiw, gherbiy quddus, hayfa we natanya sheherliri qatarliq nurghunlighan oxshimighan jaylarda ötküzüldi.

tél awiwdiki namayishlarning adrési nétanyahu hökümitining edliye belgilimilirige qarshi namayishlarning simwoligha aylanghan shundaqla tömür tosaqlar bilen taqalghan qaplan kochisi boldi.

her hepte ötküzülidighan merkiziy namayishqa onminglighan israiliyelik qatniship kelmekte we ghezzediki esirlerning qoyup bérilishi üchün derhal esir almashturush kélishimi tüzüshni telep qilmaqta.

israiliye bayraqlirini kötürüshken minglighan namayishchi bash ministir nétanyahu we uning hökümiti ezasi siyasionlargha qarshi lozunka, pilakatlarni achti. kochida qurulghan munberde hökümetni tenqid qilip nutuqlar sözlendi.

yene bir tereptin, namayishta nutuq sözligen israiliye asasliq öktichi rehbiri yayir lapid hökümetni derhal istipa bérishke we muddettin burun saylam ötküzüshke chaqirdi.

yayir lapid nétanyahuning jinayetchi ikenlikini we yüz bergen ishlarda jawabkarliqi barliqini tilgha élip,  israiliye bash ministirining birdinbir meqsitining yene bir mezgil waqit utush ikenlikini éytti.

bu ariliqta sefed shehirige yéqin jayda , yüzligen kishi israiliye hökümitining siyasitige naraziliq bildürüp, liwandiki hizbullah bilen bolghan toqunushning éghir tesirige uchrighan shimaliy rayon ahalilirini nezerdin saqit qilish bilen eyiblidi.



مۇناسىۋەتلىك خەۋەرلەر