ghezzening jenubidiki toqunushta 8 neper israiliye eskiri ujuqturuldi

ghezzening jenubidiki 8 neper israiliye eskiri ujuqturuldiisrailiye armiyesi ghezzening jenubidiki toqunushta 8 eskirining ujuqturulghanliqini jezimleshtürdi.

2153436
ghezzening jenubidiki toqunushta 8 neper israiliye eskiri ujuqturuldi

türkiye awazi radiyosi xewiri: hamasning herbiy qaniti izziddin elqassam birigadisi ghezzening jenubidiki rafah shehiride qurghan «murekkep tozaq» ta israiliye eskerliridin öltürülgen we yarilanghanlarning barliqini élan qilghandin kéyin, israiliye armiyisi teripidin yazma bayanat élan qilindi.

bayanatta, ghezzening jenubidiki toqunushta  601 - istihkam bataliyonining muawin qomandani bilen qoshulup 8 eskerning öltürülgenliki bildürüldi.

yene bir tereptin, «Yedioth Ahronot» gézitining xewirige asaslanghanda, mezkur eskerler rafahqa qarashliq tél es sultan panahlanghuchilar lagérigha yéqin jayda broniwiklar bilen ilgirilewatqan peytte yolgha orunlashturulghan partilatquch partilap qaza qilghan.

shundaq qilip, 7 – öktebirde ghezze rayonigha hujum bashlanghandin buyan öltürülgen israiliye eskerlirining sani 658 ge yetti, bulardin 306 si quruqluqtin ishghal qilish jeryanida öltürüldi.

uningdin bashqa yene, hujumda 3835 israiliye eskiri yarilanghan bolup, ulardin 1936 i quruqluqtin tajawuz qilish jeryanida yarilanghan.

qassam birigadalirining yazma bayanatida, rafah shehirining gherbige jaylashqan tél sultandiki esseudi rayonigha bésip kirgen israiliye herbiy aptomobillirigha murekkep tozaq qurghanliqini we ulargha «yasin 105» rakétasi bilen hujum qilinghanliqini, netijide broniklarning ichidiki eskerlerning öltürülgenlikini we yarilanghanliqini bildürgen idi.


خەتكۈچ: #israiliye eskiri , #ghezze

مۇناسىۋەتلىك خەۋەرلەر