диний ишлар идариси башлиқи әли әрбаш ашқун оңчи расмус палуданға наразилиқ билдүрди

түркийә авази радийоси хәвири: әли әрбаш иҗтимаий алақә һесабатида һәммәйләнни җамәләрдә қуран оқушқа тәклип қилип, «қуранниң достлири! бамдат намизиға келиңлар!» дегән чақириқини һәмбәһирлиди.

әли әрбашниң чақириқи үнүм берип, мәмликәт миқйасидики барлиқ җамәләрдә кишиләр бамдат намизида бир йәргә җәм болди.

әли әрбаш әнқәрә һаҗи байрам вәли җамәсидә пуқралар билән бирликтә дуа қилди вә бамдат намизини оқуп бәрди.

әли әрбаш җамәдики сөзидә, «дунйа хәлқи болуш сүпитимиз билән бирликтә йашаш үчүн бир-биримизниң етиқади, китаби вә ирқиға һөрмәт қилишимиз керәк. ислам дининиң әң муһим принсиплириниң бирси шуки, уруштиму бәзи нәрсиләргә дәхли-тәруз қилинмайду, буларниң бәзилири балилар, гунаһсизлар, айаллар вә ибадәханилардур. охшимиған етиқадтики кишиләрниң муқәддәс китаблириму дәхли-тәрузға учримайду» деди.

әли әрбаш биллә йашашниң әң муһим шәртлириниң бири кишиләрниң бир-бириниң етиқадиға, мәзһәплиригә, ирқиға вә тән рәңгигә һөрмәт қилиши икәнликини тәкитләп, «дунйа хәлқи болуш сүпитимиз билән биз бир-биримизниң етиқади, китаби вә ирқиға һөрмәт қилишимиз керәк» деди вә кишиләрни қуранға дүшмән әмәс, дост болушқа чақирди.