исраилийә ғәззәдә 6 айда, 6 пәләстинликни өлтүрди

түркийә авази радийоси хәвири: пәләстиндики әл - мизан кишилик һоқуқ мәркизи йилниң дәсләпки йеримиға алақидар тәййарлиған доклатини елан қилди.

доклатта, бу йилниң дәсләпки 6 ейида ғәззәдә исраилийә армийиси тәрипидин 6 пәләстинликниң өлтүрүлгәнлики, 38 кишиниң йаридар қилинғанлиқи вә 22 пәләстинликниң назарәткә елинғанлиқи билдүрүлди.

исраилийәниң өз әскәрлиригә қарита һечқандақ тәһдит көрүмигән шараиттиму адәм өлтүрүш һәрикитини давамлаштурғанлиқи алаһидә тәкитләнгән байанатта, мәзкур җинайәтләрниң көпинчисиниң ғәззә саһиллиридики белиқчиларға вә чеградики сим тосақларға йеқинлашқан намайишчиларға қарита өткүзүлгәнлики билдүрүлди.

доклатта, исраилийәниң системилиқ һалда кишилик һоқуқни дәпсәндә қиливатқанлиқи билдүрүлди вә хәлқара җәмийәтни ғәззәгә қарита узун йиллардин буйан давамлишиватқан қамал қилишни бикар қилиш үчүн тиришчанлиқ көрситишкә чақириқ қилинди.

һамас һәрикити 2006 - йилидики пәләстин парламент сайлимида ғәлбә қилғандин кейин, ғәззәгә қарита бесим күчәйгән шундақла исраилийә деңиз, қуруқлуқ вә һавадин шәһәрни қоршав астиға алған иди.