доналд трамп тивиттерда һәмбәһирлигән синни өчүрди
америка пирезиденти доналд трамп иҗтимаий алақә тори тивиттер һесабида ақ тәнликләрниң дөләттики әвзәлликигә ишинидиған ирқчи гуруппилар ишлитип келиватқан «ақ тәнликләргә күч» дегән шоариниму өз ичигә алған бир синни һәмбәһирлиди.
түркийә авази радийоси хәвири: америка пирезиденти доналд трамп түнүгүн флориданиң сумтер шәһиридә пинсийәгә чиққанлар олтурақлашқан «The Villages» районидики қоллиғучилири тәййарлиған синни һәмбәһирләп, «<The Villages> ниң гүзәл инсанлириға рәһмәт ейтимән» дегән сөзләрни ишләтти.
синниң биринчи минутлиридила тирампниң лозинкилирини көтүривалған вә байрақлар билән безәлгән голф аптомобилини һәйдәватқан бир қоллиғучиниң «ақ тәнликләргә күч» дәп товлаватқанлиқи көрүиниду.
синниң қалған қисмида трампниң қоллиғучилири билән рәқиблири оттурисидики талаш - тартиш көрүнүшлири болуп, өктичи қоллиғучиларниң «натсистлар» вә «ирқчилар» дәп товлаватқанлиқи көриниду.
тирамп кейин ахбаратларда вә иҗтимаий таратқуларда пәйда болған наразилиқлардин кейин учурни өчүрүп ташлиди.
ақсарайниң бу һәқтики байанатида, «пирезидент трамп <The Villages> хәлқиниң мәстанисидур, мәзкүр синдики сөзни аңлимай қапту. униң көргини нурғунлиған қоллиғучилиридики күчлүк һайаҗандин ибарәттур» дейилди.
2020 - йили нойабирда өткүзүлидиған президентлиқ сайлимида демократчилар партийәсиниң намзати болидиған сабиқ муавин пирезидент җо байдинму бу һәқтә байанат елан қилди.
җо байдин, әсли африқилиқ америка пуқраси җорҗ флойид сақчилар тәрипидин қолға елиниш җәрйанида өлтүрүлгәндин кейин, пүтүн мәмликәт миқйасида оттуриға чиққан ирқчилиқниң сәзгүрлүкини тәкитләп, «биз дөләтниң роһи үчүн күрәш қиливатқан бир пәйттә туруватимиз. пирезидент бу урушта өзиниң тәрипини таллап болди. һеч шүбһиләнмәңларки, бу биз ғәлибә қилидиған бир уруш болиду» деди.
