қирғизистанда хәлқара қисқа филим фестивали өткүзүлди

түркийә авази радийоси хәвири: бишкәктики манас киноханисида фирғизистан күлтүр, учур вә сайаһәт ишлири министирлиқи билән қирғизистан киночилар бирләшмисиниң қоллап – қуввәтлиши арқилиқ 12 – декабирдин 15 – декабрғичә өткүзүлгән фестивалда, қисқа филимни сөйдүрүш, бу саһәдики тәрәққийатларни қоллаш вә әһмийәтлик филимләрни көрүрмәнләр билән учраштуруш мәқсәт қилинғанлиқи билдүрүлди һәмдә мустәқил дөләтләр гәвдисигә әза дөләтләр, балтиқ дөләтлири вә гирузийә, киродийәдин болуп, җәмий 14 филим көрситилди.

хәлқаралиқ мусабиқидә, летонийәлик андрана роз режиссорлуқини қилған «гуруппа вә мән» намлиқ филим әң йахши қисқа филим мукапатиға еришти.

украиналиқ марена рошина рижессорлуқини қилған «хушаллиқта вә пәқәтла хушаллиқта» намлиқ филим әң йахши көрүнүш режиссори мукапатиға шундақла русийәлик максим качпа режиссорлуқини қилған «қараңғулуқта» намлиқ филим баһалиғучилар мукапатиға еришти.

мусабиқидә мукапатқа еришкән йаш режиссорларниң һәр биригә 750 доллардин пул тарқитип берилди.

режиссор фәрһат бекманбеков: «келәр йили өткүзүлүши пиланланған 10 – нөвәтлик қисқа филим фестивалиға, һәр қетимлиқ фестивалимизға қатнишип келиватқан 300 режиссорни тәклип қилишни ойлишиватимиз» деди.

мукапатлаш мурасимидин кейин мукапатқа еришкән филимләр көрүрмәнләргә қайта қойуп берилди.