мәнәмән

түркийә авази радийоси: «наштилиқ» түркләрниң йемәк – ичмәк мәдәнийитидә алаһидә орун тутиду. түркләрниң әнәниви наштилиқида қәһвә әмәс, чай ичилиду. чай ичиш үчүн пийалиниң орниға кичик истаканлар ишлитилиду. қәһвә болса наштилиқтин кейин ичилиду. дәрвәқә, наштилиқниң түркчидики мәнисиму «қәһвә алти؛ йәни қәһвә ичиштин бурун» шәклидә тәрҗимә қилиниду. наштилиқта чай билән бирликтә еримчик билән зәйтун истемал қилиниду. чүнки түркләрдә наштилиқта зәйтун кәм болса зади болмайду. еримчиккә кәлсәк, һәр хил еримчикләр наштилиқта истемал қилиниши мумкин. әмма ақ еримчик алаһидә орун тутиду. түркләргә хас наштилиқ дастихинида адәттә материйаллар наһайити мол болиду. мәсилән, зәйтун, еримчик, сериқ май, һәсәл, мурабба қатарлиқлар наштилиқ дастихининиң төридин орун алиду. буниңдин башқа йәнә, пишурулған тухумлар, көктатлар, пәмидур салатлар, көкмуч вә түрлүк – түрлүк йешил көктатларму наштилиқ дастихининиң төридин орун алиду.    

бүгүнки пирограммимизда, «мәнәмән» тәййарлаш усули һәққидә мәлумат беримиз.

«мәнәмән» тәййарлаш үчүн керәклик болған материйаллар төвәндикичә:

• 4 данә пәмидур
• бир данә пийаз
• 4 данә көкмуч
• үч данә тухум
• икки қошуқ йағ
• йерим қошуқ туз
• йерим қошуқ қаримуч

«мәнәмән» тәййарлаш усули төвәндикичә:

• алди билән, пийаз вә пәмидурниң постини сойуп, шекәр шәклидә тоғраң.
• көкмучни узунисиға ксип, уруқини чиқиривәткәндин кейин, йерим ай шәклидә кесиң.
• йағни қизитип, пийазни 4 – 5 минуттәк қоруң.
• көкмучни илавә қилип, қорушни давамлаштуруң.
• тоғралған пәмидурни илавә қилиң вә сүйиниң көп қисми сиңгәнгә қәдәр башқа материйаллар билән бирликтә пишуруң.
• тухум, туз вә қаримуч илавә қилип, бир қачида малтилаң вә қазандики пәмидурлуқ хуручқа илавә қилиң.
• бир тәрәптин малтилап, йәнә бир тәрәптин, қоруп, 3 – 4 минуттәк пишурғандин кейин истемал қилсиңиз болиду.