UNICEF: йәмәндә 12 милйон бала җиддий йардәмгә муһтаҗ

түркийә авази радийоси хәвири: бирләшкән дөләтләр тәшкилати балилар фонд җәмийтиниң йәмән вәкили сара бейсолов нйантиниң, «20 – нойабир дунйа балиларниң һәқ – һоқуқлирини қоғдаш күни» мунасивити билән елан қилған йазма байанатида әскәртишичә, бирләшкән дөләтләр тәшкилати омумий кеңиши имзалиған «балиларниң һәқ – һоқуқлирини қоғдаш шәртнамиси» ға қаримай йәмән балилар үчүн дунйадики әң начар дөләтләрдин бири икән.

үзлүксиз давамлишиватқан тоқунушлар сәвәбидин дөләтниң иҗтимаий хизмити пүтүнләй вәйран болған болуп, йәмәндә тәхминән 12 милйон йәни йәмәнлик һәрбир бала җиддий инсанпәрвәрлик йардәмгә муһтаҗ икән.

гәрчә йәмән даирилирини өз ичигә алған барлиқ тәрәпләр балилар һәққидә бирқатар әһдиләрни бәргән болсиму, лекин һечбири әһдисигә вапа қилмиған.

игилинишичә, бирләшкән дөләтләр тәшкилати омумий кеңиши «балиларниң һәқ – һоқуқлирини қоғдаш» қа даир шәртнамини имзалиған 1989 – йили 20 – нойабирдин буйан һәр йили 20 – нойабир «дунйа балиларниң һәқ – һоқуқлирини қоғдаш күни» сүпитидә тәбриклинидикән.