голландийәдә кейин мусулман болғанлар үчүн мәхсус иптар пирограммиси орунлаштурулди
голланийдә диний ишлар җәмийитигә қарашлиқ улу җамә рәһбәлики тәрипидин кейин мусулман болғанлар үчүн мәхсус иптар пирограммиси өткүзүлди.
түркийә авази радийоси хәвири: голландийәниң утречт шәһиридә кейин мусулман болғанлар үчүн берилгән мәхсус иптардин илгирики әркин сөһбәттә рамизан ейида баштин кәчүргән йеңи тәҗрибиләр һәмбәһирлишилди.
рамизандин ейидин 3 күн илгири мусулман болған 18 йашлиқ полша пуқраси борийис матулниски «бу йил тунҗи қетим мусулман болуп роза туттум. анам вә дадам 3 йил илгири мусулман болуп болған иди. шуңа алдинқи йили улар билән биргә роза тутқан идим» деди.
мусулман болуштин илгири бир издиниш ичидә икәнликини вә тәкшүрүп тәтқиқ қилғанлиқини чүшүндүргән матулниски «өткән йили роза тутқинимда өзәмни хиристийанлиқтинму бәк мусулмандәк һес қилған идим. чүнки исламда һәммә нәрсә мәнтиқлиқ көринәтти» деди.
алдинқи авғуст ейида мусулман болған закариа ван мелму кейин мусулман болғанларниң омумән иптарларда йалғузлуқ һес қилидиғанлиқини, шуңа бу хил иптар пирограммисиниң уларниң йалғузлуқ туйғусини йоқутидиғанлиқи нуқтисидинму наһайити йахши болғанлиқини ейтти.
улу җамә башлиқи йүҗәл айдәмир болса, бу ифтар нәтиҗилик болған әһвалда һәр йили өткүзүшни пиланлиғанлиқини һәмдә бу арқилиқ азрақ болсиму йалғуз иптар қилидиғанланиң йалғузлуқиға мәлһәм болушни ойлашқанлиқини билдүрди вә ифтарға қатнашқан һәммәйләнгә рәхмәт ейтти.
