yéngi zélandiye parlaméntida quran kerim tilawet qilindi

türkiye awazi radiyosi xewiri: yéngi zélandiye döletlik téléwiziye neshriyat idarisi «TVNZ» ning xewiride, parlaméntning térrorluq hujumidin kéyinki tunji yighilishini quran kerim tilawiti bilen bashlighanliqi bildürüldi.

imam nizamul heq tenhawi parlamént munbiride beqere sürisining 153 – ayitidin 156 – ayitigiche tilawet qildi. andin imam tahir nawaz erebche oqulghan ayetlerni inglizche terjime qilip berdi.

ichilishtin kéyin hökümet namidin tunji söz alghan bash ministir jakinda ardérn sözini «essalamu eleyküm» dep bashlidi.

ardérn térrorluq hujumida hayatidin ayrilghanlarni xatirilep, «ular yéngi zélandiyelikler idi. ular bizdin idi. ular biz bolghanliqi üchün biz ulargha matem tutmaqtimiz» dédi.

ardérn hujumda hayatidin ayrilghanlarning yiqinlirigha teziye télekliride boldi we: «azabliringlarni tuluq ortaqlishish imkanimiz yoq, biraq her bir basquchta siler bilen birgimiz» dédi.

ardérn térrorchini tosushqa tirishqanlargha we uni nazaretke alghan saqchilargha qehrimanliqliri üchün rexmet éytti.

yéngi zélandiyening jenubiy ariligha jaylashqan kiristchorch shehiride 15 – martta jüme namizi esnasida elnur we linwud jamelirige 10 minutluq perq bilen qilinghan térrorluq hujumida 50 kishi hayatidin ayrilghan idi.