dunya miqyasidiki uniwérstétlar pelestinni qollash namayishlirini toxtatmidi

türkiye awazi radiyosi xewiri: amérika minnésota (Minnesota) uniwérstétining oqughuchiliri oqush püttürüsh murasimida, pelestinni qollash uchurlirini tarqatti. déplomlirini alghanda isirailiyege naraziliq bildürüp, pelestinni qollaydighanliqlirini bildürgen oqughuchilargha, zor alqish yaghdi.

kolombiye uniwérstéti qanun fakultéti oqughuchiliri oqush püttürüsh murasimida, bezi oqughuchilar pelestinni qollaydighanliqlirini bildürdi we mektep rehberlikige jimjit naraziliqini ipadilidi.

engliyede pelestinni qollash namayishlirigha yene bir uniwérstét qoshuldi. paytext londondiki xanish mari uniwérsitéti (Queen Marry) oqughuchiliri mektep hoylisida chédir qurup, israiliyening hujumigha naraziliq bildürdi.

shiwiyétsariye jenwe uniwérsitétining oqughuchiliri uniwérsitét rehberlikining «mektep rayonini tarqaqlashturush» toghrisidiki agahlandurushigha qulaq salmidi. oqughuchilar pelestinni qollash herikitini dawamlashturdi.

namayishchi oqughuchilar isirailiyeni pelestin zéminidiki ishghalini axirlashturushqa chaqirdi.

bélgiyedimu uniwérstét oqughuchilirining isirailiyege naraziliqi barghanséri ulghiyishqa bashlidi.

lijé (Liege ) uniwérsitétidiki oqughuchilar uniwérsitétning israiliye bilen tetqiqat sahesidiki munasiwetlerni üzüshni telep qilip, pelestinni qollash namayishlirini bashlidi.

misir paytexti qahirediki amérika uniwérsitétining oqughuchilirimu «dunya ghezze namayishi» gha qatnashti.

uniwérsitét hoylisida pelestinliklerni qollap piyade yürügen oqughuchilar «bayqut we chékinish» dégen lozunkilarni kötürdi.

oqughuchilar uniwérsitétni israiliyege yardem bérish bilen eyiblengen shirketler bilen bolghan alaqini üzüshke chaqirdi.

girétsiyede aféna uniwérsitéti oqughuchilirimu pelestinni qollap namayish ötküzdi we mektep aldida chédir qurdi.

oqughuchilar bayanatida mundaq déyildi: «refah hujumida peyda bolghan xarabiliktiki balilarning süretliri, amérika-nato-yawropa ittipaqining qatil israiliye dölitige bergen qollishining netijisidur.»