yorgos bash ministir michotakisning türkiye ziyariti toghrisida toxtaldi

türkiye awazi radiyosi xewiri: yorgos yérapétritis girétsiye dölet téléwiziyesining, girétsiye bash ministiri kiryakos michotakisning tünügünki enqere ziyariti we jumhur reis rejep tayyip erdoghan bilen ötküzgen söhbitige dair soallirigha jawab bérip: «tünügünki uchrishishtin kéyin, biz türkiye-girétsiye munasiwiti we söhbetlirining yéngi musapisige qedem qoyduq. bu jeryan normalliqni asas qilidu. bash ministir (michotakis) éytqandek, bu ünüm merkezlik normalliq» dédi.

ministir yérapétritis özi közde tutuwatqan normalliqning daimliq alaqilishishni körsitidighanliqigha isharet qilip: «her qétim körüshkende köp tereplimilik kélishimlerni tüzüsh, intayin muhim mesililerni muzakire qilish unchiwala muhim emes. biz uchrishishimiz hemde muntizim uchriship turushimiz kérek» dédi.

eng muhimi kirizis peyda qilmay yaki jiddiylikni kücheytmey turup, pikir oxshimasliqlirini otturigha qoyush ikenlikini bilürgen yérapétritis, tüp meqsetning diqqetni özara menpeet yetküzidighan mesililerge merkezleshtüürüsh ikenlikini otturigha qoydi.

girétsiyeningmu, jenubiy qibris rum hakimiyitiningmu türkiye-girétsiye munasiwitining yaxshilinishining qibris mesilisige alaqidar söhbetlerge ijabiy töhpe qoshidighanliqigha ishinidighanliqigha isharet qilghan ministir yérapétritis, girétsiyening qibristiki ikki terep söhbetlirining eslige kélishini qollaydighanliqini qeyt qildi.