қетиқлиқ чорба

түркийә авази радийоси: қетиқ сүттин йасилидиған бир хил сүтлүк ғиза болуп, мевиси билән, марожна шәкиллик түри билән дунйаниң көплигән җайлирида йақтурулған һалда истемал қилинидиған адәттин ташқири дәриҗидә ләззәтлик йемәкликтур. 

ундақта, бу есил йемәкликниң түркләр сайисида дунйаға тарқалғанлиқини, һәтта «қетиқ» ибарисиниң көплигән тилларға түркчидин киргәнликини биләмсиз?

дунйаға 19 – әсирдин етибарән тарқилишқа башлиған қетиқ, түрк дастиханлирида уда қанчә әсирләрдин буйан зади кә болса болмай келиватқан ләззәтлик йемәкликтур.

түрк дастиханлирида қетиқ өз алдиғила йаки татлиқ – турумлар билән арилаштуруп йейилиғинидәк, таамларниң үстигә  ақмай сүпитидә, суға арилаштурулуп ичимлик қилип, йаки чорба етипму йейилиду. көплигән қетиқлиқ таамлар арисидин бүгүн силәргә «қетиқлиқ чорба» ни тонуштуримиз.

түркийәдә «йайлақ чорбиси» дәп атилидиған, түркләргә хас «қетиқлиқ чорба» етиш үчүн керәклик болған материйаллар төвәндикичә:

• 6 истакан гөш сүйи йаки су
• 3 қошуқ гүрүч
• 2  қошуқ ун
• 1 данә тохумниң сериқи
• 2 истакан қетиқ
• 2 қошуқ туз вә қуруқ пиннә
• 2 қошуқ сериқ май

тәййарлашқа кәлсәк؛

алди билән қазанға су қойуп қайнитиң. қайниған суниң ичигә туз салғандин кейин, йуйулған гүрүчни қошуң, андин гүрүчләр йумшашқа башлиғанға қәдәр пишурүшни давамлаштуруң. башқа бир қачида тухумниң сериқи билән ун вә қетиқни арилаштуруң, арқидин бир истакан су қошуң. пишқан гүрүчниң иссиқ сүйидин бирқанчә чөмүч елип, аста – аста қетиқлиқ арилашмиға илавә қилип, қайнитиң. қайнашқа башлиғандин кейин йәнә 10 минут пишуруң. кичик йапилақ қазанда сериқ майни исситқандин кейин, үстигә пиннини селиң, 30 минут пишурғандин кейин, чорбиниң үстигә селиң. халисиңиз қизилмуч йаки қаримуч қошсиңизму болиду.