türk ayal alim alahide talant mukapatigha érishti

türkiye awazi radiyosi xewiri: birleshken döletler teshkilati maarip, bilim we medeniyet orgini bilen L'Oreal  teripidin «alim ayallar üchün» pirogrammisi dairiside bériliwatqan «yüksiliwatqan talantlar» mukapatigha bu yil türkiyedin dotsént doktor melahat bilge demirköz layiq körüldi.

ottura sherq pen – téxnika uniwérsitét pen – edebiyet fakultéti fizika bölümi oqutquchisi dotsént doktor demirköz 1998 – yildin tartip hazirghiche her yili 15 yash alim ayalgha bérilgen mukatqa, alem boshluqi radiyatsiyesi heqqide élip barghan tetqiqatliri tüpeyli layiq körüldi.

demirközge mukapatning 23 – mart küni firansiyening paytexti parizhda ötküzülidighan murasimda bérilishi mölcherlenmekte.

türkiye maarip, bilim, medeniyet we uchur - alaqe wasitisi arqiliq yer shari xaraktérlik tinchliq ornitish, namratliqni tügitish we sijil tereqqiyatqa töhpe qoshushni nishan qilidighan birleshken döletler teshkilati maarip, bilim we medeniyet orginini qurghan 20 dölettin biri hésablinidu.

organning aktip ezaliridin biri bolghan türkiyening wekilliri bu dairide 1946 – yildin tartip hazirghiche türlük organlarda wezipe ötimekte.

yene bir tereptin, türkiye ilgiri uda 6 qétim wezipe ötigen birleshken döletler teshkilati maarip, bilim we medeniyet orgini ijraiye heyitining 2017 – 2021 – yilliq nöwetchi reislikige namzatliqini  élan qildi.

igilinishiche, nöwetchi reislik saylimi bu yil noyabirda parizhda ötküzülidiken.